Mere shehr me naya Shobdebaaz aaya hai
Jo muddo ko beja hassas banata hai
Phir logo ke jazbaat ubharta hai
Deen ko deen se ladata hai
Mere shehar me naya shobdebaaz aaya hai!
Kabhi na dars liya usne kisi madarse me
Na uska koi kabhi ustad hi raha hai
Bulata khud ko wo Allama hai
Zabar ko zer, Zer ko Zabar batata hai
Mere shehar me naya shobdebaaz aaya hai
Kiya na kisi Mujtahid ka usne ehteram kabhi
Hamesha Olema ke khilaf hai uski zuban chali
Hai khud ka zehan Soo
Magar dusro ko Soo bulata hai
Mere shehar me naya shobdebaaz aaya hai
Kiya hai usne Social Media ka bharpoor istemaal
Banaya Deen ko apna subh shaam shikar
Barpa kiya hai qaum me ek naya bohran
Jawan, bachche aur budho ko mashkook banaya hai
Mere shehar me naya shobdebaaz aaya hai
"Wilayat" ke naam par Media channel chalata hai
Magar Wilayat ke khilaaf kaam karte jata hai
Na deen ki hai fikr, na ehteram e Olema
Mafaad parast hai, dhoka diye jata hai
Mere shehar me naya shobdebaaz aaya hai
Racha hai dhong ke, sarkar ka wo haami hai
Magar jo Dee ka nahi, woh to sirf fasadi hai
Nazar me rakkho use, fitna na faila paae
Deen ki fikr kar humko qadam uthana hai
Mere shehar me naya shobdebaaz aaya hai
Jawano uththo, is fitne ko mitae hum
Ye kaise mumkin hai ki, yu deen se khel jaae koi
Naam lene se dhoke me iske aae hum
Wilayat o Azadari ko to humne Olema se paya hai
Mere shehar me naya shobdebaaz aaya hai
